Një objekt dykatësh pa leje e ndërtuar në plazhin e Tales ka sjellë arrestimin e 55-vjeçarit, Nik Gjonikaj. Ai ndërtoi një objekt dykatësh me dhoma për akomodimin e pushuesve.
Në vijim të veprimeve procedurale për këtë rast, u vu në pranga Nik Gjonikaj banues në Tale, Lezhë, për veprën penale “ndërtimi i paligjshëm”.
Kontrollet dhe verifikimet për konstatimin e ndërtimeve pa leje dhe veprave të tjera penale kundër mjedisit, vijojnë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
