Pas Spanjës dhe Italisë, uraganët vërshuan në vendin tonë pasditen e sotme, të shoqëruara edhe me vetëtima e gjëmime të fuqishme.
Ashtu siç ishte parashikuar, Tirana dhe Shqipëria e Mesme raportohet se është përfshirë nga reshje të dendura shiu të shoqëruara me stuhi.
Kjo vjen pas temperaturave të larta deri në 29 gradë Celsius dhe rrymave të paqëndrueshme.
Moti i paqendrueshëm ka larguar pushuesit edhe nga plazhet e Vlorës. Po kështu janë braktisur plazhet e Durrësit dhe Kavajës, teksa kanë nisur edhe fortunalet detare.
Moti i paqëndrueshëm ka shkaktuar përmbytje nëpër lagjet e Tiranës, teksa shërbimet e Bashkisë së Tiranës janë hedhur menjëherë në aksion për të shmanur pasojat e rënda.
Deri në orën 18:30 u raportua për disa lagje nën ujë, sidomos zona veri-lindore e kryeqytetit dhe ato të “9-katsheve”, “Barrikadave”, zona e qendrës dhe deri në ish-Bllok.
Situata ka sjellë edhe më shumë trafik në lëvizjen e automjeteve.
