Nicola Sturgeon do të japë dorëheqjen si kryeministrja e Skocisë pas më shumë se tetë vitesh.
Liderja e Partisë Kombëtare Skoceze pritet të bëjë njoftimin në një konferencë për shtyp të organizuar në Edinburg.
Nuk mendohet se largimi i saj do të jetë i menjëhershëm, duke lënë kohën e nevojshme që të zgjidhet pasardhësi. Ish-deputeti i SNP-së,(Partia Kombëtare Skoceze) Stephen Gethins tha se ishte i befasuar dhe i zhgënjyer nga lajmi.
Sturgeon mori drejtimin e Partisë Kombëtare Skoceze nga Alex Salmond pas referendumit të pavarësisë së Skocisë në vitin 2014.
SNP kishte bërë fushatë për pavarësinë e Skocisë dhe vazhdon ta bëjë këtë. Sturgeon tha se i ka cilësuar zgjedhjet e ardhshme në Mbretërinë e Bashkuar si një tjetër “referendum de facto”.
Sturgeon tha në konferencën e partisë në Perth të vitit 2014 se udhëheqja e partisë ku ajo iu bashkua si adoleshente ishte privilegji më i madh i jetës së saj.
Nicola Sturgeon is the finest public servant of the devolution age. Her public service, personal resilience and commitment to Scotland is unmatched, and she has served our party unlike anyone else. She will be an enormous loss as First Minister and SNP leader. Thank you! 🏴🇪🇺 pic.twitter.com/DyeJU5EkIV
— Stewart McDonald MP (@StewartMcDonald) February 15, 2023
Udhëheqësi i Liberal Demokratëve Skocezë tha se Skocia po përballet me “shumë sfida” dhe i bëri thirrje SNP-së që “të rivendosë stabilitetin” pas dorëheqjes së Sturgeon.
Por sot “nuk është një ditë për sulme politike”, tha Alex Cole-Hamilton për BBC News. Deputeti i SNP-së, Stewart McDonald, ka bërë gjithashtu keqardhjen për lideren e partisë Nicola Sturgeon.
Ndërkohë Alison Thewliss, deputetja e SNP-së për Glasgow Central dhe zëdhënësja e çështjeve të brendshme të partisë, ka shprehur zhgënjimin e saj për dorëheqjen e Nicola Sturgeon.
“Absolutisht e mërzitur për këtë. Nicola ka qenë një lidere e jashtëzakonshme”, shkroi ajo në Twitter.
j.l./ dita
