Nis Sezoni i ri/ Superçmimet që do fitohen çdo të diel në Telebingo Shqiptare

Jo një, por 3 “Rroga Telebingo”, do të mund të fitohen çdo të dielë në lojën më popullore të fatit në vend, fituesit e të cilës do të marrin çdo muaj shumën e garantuar prej 50,000 lekësh për një vit rresht. Por surprizat e sezonit të ri nuk mbarojnë këtu, pasi do të zhvillohet edhe loja më e re “Super Peta”, nëpërmjet të cilës lojtarët do të mund të fitojnë nga 1 milionë deri në 15 milionë lekë (të vjetra).

Ndërkohë që në lojë do të vijojnë të jenë edhe çmimi i madh i javës, çmimet e Ruletës së Fatit, si dhe shumë dhurata dhe çmime të tjera që do të mund t’i siguroni duke blerë një biletë që kushton vetëm 200 lekë.

Fituesit e shorteut të djeshëm

Përzgjedhja dje ka nisur me 10 fituesit e çmimit tradicional prej 20,000 lekësh, të cilët do të luajnë sërish në shorteun e radhës të datës 18 shtator për dy çmimet e mëdha prej 1 milionë lekësh (të vjetra) dhe shumave të tjera të “Ruletës së Fatit”. Ndërkohë që dje në “Ruletën e fatit” janë fituar miliona të tera edhe nga 10 fituesit e shorteut të datës 31 korrik. Konkretisht në këtë lojë, Ardiana ka siguruar shumën prej 30,000 lekësh, Veseli 24,000 lekë, Florika 27,000 lekë, Anxhela 26,000 lekë, Veria 103,000 lekë, Fiqirete 32,000 lekë, Nazmi 24,000 lekë, Sulejmani 25,000 lekë, Neima 25,000 lekë, Agimi 40, lekw, si dhe Ndoci 103,000 lekë.

Me surpriza pa fund është shoqëruar edhe loja telefonike me dhuratat dhe çmimet e fshehura në zarfe, ku shumë prej fituesve u janë gëzuar shumave të mëdha. Përzgjedhja rastësore e kontrabiletave ka bërë që loja telefonike të ndalet fillimisht në kryeqytet, duke shpallur Majlindën si fituesen e parë, e cila ka tentuar të godasë në shenjë çmimet më të preferuara të lojës “Rrogën Telebingo”, lojën e “Super Peta”, si dhe shumat e tjera të mëdha. Ndonëse nuk ka qëlluar në shenjë zarfet ku mund të fshiheshin këto çmime, me mbajtjen e dy zarfeve më të preferuara, ajo ka siguruar shumën prej 55,000 lekësh. Anjeta në Durrës ishte fituesja e radhës e cila ka siguruar shumën prej 70,000 lekësh.

Fati i ka ecur më së miri edhe fitueses së radhës. Kësaj here bëhet fjalë për Shpresën në Pogradec, e cila me përzgjedhjen e bërë ka siguruar nga Telebingo Shqiptare plot 1,2 milionë lekë (të vjetra). Në vijim, në lojën teleonike Vlora ka siguruar 65,000 lekë, ndërsa Selvia në Tiranë ka fituar 85,000 lekë. Plot 90,000 lekë ka fituar në telefonatën e radhës edhe Oltioni.

Një tjetër fituese, ka vijuar të luajë me lojën telefonike, të cilës fati i ka buzëqeshur më së miri, kjo pasi me mbajtjen e zarfeve më të preferuara, Hatixhe ka siguruar nga Telebingo Shqiptare shumën prej 30,000 lekësh, teksa do të luajë edhe në lojën më të re, “Super Peta”, nëpërmjet të cilës ka të garantuara të paktën 1 milionë lekë të vjetra, por nëse fati është në anën e saj, do të mund të sigurojë deri në 15 milionë lekë të vjetra, apo edhe shumë shuma të tjera. Rizai në Tiranë me përzgjedhjen e bërë ka siguruar plot 1 milionë lekë (të vjetra).

Më pas Telebingo ka vijuar me shpalljen e fituesve të dalë nga shorti i goglave për çmimin e madh të javës që lamë pas, vlera e të cilit ka mbërritur në shifrën e 1,112, 850 lekëve. Seria e numrave të përzgjedhur e ka ndalur çmimin e madh në Elbasan, ku dhe rezulton të jetë blerë bileta fituese. Shorti i goglave ka përzgjedhur edhe mijëra fitues të tjerë nëpërmjet serisë me një linjë dhe dy linja. Konkretisht, janë shpallur si fitues të serisë me një linjë edhe 20416 lojtarë të tjerë, të cilët fitojnë nga Telebingo Shqiptare 50 lekë. Ndërsa fitues të serisë me dy linja janë shpallur 393 lojtarë, ku secili prej tyre siguron nga Telebingo shumën prej 1,005 lekësh. Fitues të një bilete janë shpallur edhe të gjithë lojtarët që kanë numrin 4, të përcaktuar si numër fati në biletën e tyre.

Lista e fituesve është zgjeruar edhe më tej, ku në Telebingo është paraqitur edhe fituesi i çmimit të madh të shorteut të datës 31 korrik, Eris Trashi nga Elbasani i cili ka marrë çekun me shumën e fituar mbi 8 milionë lekë (të vjetra).

Në vijim të shkrimit do të gjeni të detajuara informacionet e plota mbi fituesit e shpallur në shorteun e djeshëm të Telebingos. Ditën e mërkurë, në orën 12:00, fituesit mund të paraqiten për të tërhequr dhuratat dhe çmimet pranë zyrave të Telebingo Shqiptare në adresën: Nacional sh.a. Rr. “Qamil Guranjaku”, Vila 9/1.