Kreu i SPAK, Altin Dumani, gjatë fjalës së tij në Komisionin e Ligjeve në Kuvendin e Shqipërisë, ka deklaruar me shqetësim se në vitin 2028 do të krijohet një vakum shumë i madh pasi i mbaron mandati 11 prokurorëve të posaçëm.
Altin Dumani theksoi se në përfundim të mandatit 9-vjeçar nuk do të rikandidojë ndërsa shtoi se SHBA dhe BE kanë investuar shumë në trupën e prokurorëve që të rriten profesionalisht.
Altin Dumani u shpreh se nuk kanë deklaruar në asnjë moment që do ketë rinovim automatik të mandatit, por dhënie të drejte për të rikandiduar.
Sakaq, Dumani u shpreh se trupa e prokurorëve e specializuar dhe investuar për vite të tëra duke hetuar dosje të rëndësishme, tashmë ka fituar edhe imunitetin e nevojshëm karshi politikës, krimit të organizuar apo biznesit.
“Ju siguroj që në përfundim të mandatit 9-vjeçar nuk do rikandidoj për prokuror, e kam bërë këtë marrëveshje me veten që kur aplikova për të qenë prokuror i posaçëm.
Imagjinoni në vitit 2028, të paktën 11 prokurorëve të posaçëm iu mbaron mandati brenda një viti. Vakumi që krijohet në atë institucion është shumë i madh. 11 prokurorë në një vit është e pamundur t’i zëvendësosh.
Ata kanë çështje që i ndjekin me vite. Cënohen hetimet në këtë drejtim. Shteti shqiptar, BE dhe SHBA kanë investuar në këtë trupë prokurorësh për tu rritur profesionalisht, për të krijuar imunitetin e nevojshëm karshi politikës, biznesit, krimit të organizuar.
Pra një ditë të bukur, i thuhet të mbaroi mandati. Nuk e kemi luksin që një prokuror i specializuar të çohet në një prokurori tjetër. Vlerësoj se duhet parë dhe jam shprehur qartë.
Unë përcjell çfarë prokurorët e posaçëm më përcjellin mua. Nuk kemi thënë rinovim automatik të mandatit, por dhënie të drejtë për të rikandiduar. Çdo prokuror i posaçëm pas mandatit 9 vjeçar, ka nevojë të rivlerësohet”-tha Dumani.
Foto: Dumani dhe Xholi
Keta prokurore duhet te largohen dhe prokurore te huaj te vine ne vend te tyre!
Mjerisht që Shtetit të Kosovës i mungon një lloj SPK-u!
per SPIRA – fatmiresisht ai Shteti Kosoves nuk ka ate korrupsion stratosferik sa ka ky Shteti yne ndonese me kete lloj SPK-je ne balle.
Sidomos Olsi Dado , zoti Duman, eshte nga prokuroret me te specializuar ne fushen e gjetjes se brekeve te grave dhe nuk duhet ta humbas. Nje propozim prej njeriu te deformuar menderisht. Ju jeni te gjithe per ne koshe te plehravé . Propozimi yt eshte te mos u humbasi lidhja me trafikantet e kriminelet se ke ndonje frike qe po te vije ndonje prokuror i ri i perkushtuar per spécialitetin , drejtesine dhe njerezin shqiptare , u dalin allishverishet sheshit. Ti je bashkepuntor i dosjes 21 janarit dhe Gerdecit qe i ke bllokuar.
Olsi nuk gjeti vetem breket e saj por shume para te tuat dhe te gjithe ne te ngrena nga te babeziturit hajdute qe ti i mbron