Shtetasi shqiptar, Silvester Driza, 30 vjeç, lindur në Durrës, është kapur në shtetin gjerman dhe është bërë ekstradimi i tij drejt vendit tonë.
Ai ishte shpallur në kërkim ndërkombëtar nga ZQK Interpol Tirana, pasi Gjykata e Posaçme Kundër Korrupsionit dhe Krimin e Organizuar i ka caktuar masën e sigurisë, “Arrest në burg”, për veprën penale, “Pastrim i produkteve të veprës penale apo i veprimtarisë kriminale”, kryer në bashkëpunim.
Kush është Silvester Driza?
30-vjeçari i shpallur në kërkim ndërkombëtar u përmend në nëntor të vitit të shkuar, kur SPAK lëshoi 11 urdhër arreste për inceneratorin e Fierit.
Driza cilësohet si administrator i firmës “Sili SHPK” i cili kishte marrë pjesë në këtë skemë. Sipas dosjes së SPAK, transaksionet e kryera bashkë me dy kompani të tjera, janë fiktive dhe janë krijuar posaçërisht për të mbuluar natyrën e vërtetë të këtyre transaksioneve. Kompanitë me administrator Juri Imeraj dhe Silvester Driza kanë të njëjtën adresë, në Durrës.
Në dosje thuhet se asnjë nga shoqëritë nuk ka pasur kapitalin e nevojshëm dhe numrin e punonjëseve për të kryer punimet sipas faturave që kanë deklaruar. Faturat e lëshuara nga tre shoqëritë janë të firmosura nga i njëjti person sipas akt-ekspertimit grafik të kryer nga specialistët.
Njoftimi i Policisë:
Si rezultat i bashkëpunimit dhe shkëmbimit të informacionit mes Interpol Tiranës dhe Interpol Wiesbaden, Gjermani, u bë kapja dhe ekstradimi drejt vendit tonë i shtetasit shqiptar, Silvester Driza, 30 vjeç, lindur në Durrës.
Shtetasi ishte shpallur në kërkim ndërkombëtar nga ZQK Interpol Tirana, pasi Gjykata e Posaçme Kundër Korrupsionit dhe Krimin e Organizuar i ka caktuar masën e sigurisë, “Arrest në burg”, për veprën penale, “Pastrim i produkteve të veprës penale apo i veprimtarisë kriminale”, kryer në bashkëpunim .
Përmbledhja e fakteve: Shtetasi ka themeluar një shoqëri Sh.p.k dhe ka kryer disa transaksione fiktive me kompaninë që ka me koncesion inceneratorin e Fierit.
Interpol Tirana vijon bashkëpunimin me homologët për lokalizmin dhe kapjen e personave të tjerë të shpallur në kërkim ndërkombëtar.
j.l./ dita
