Aleanca Konservatore Për Shqipërinë ka dorëzuar në KAS në KQZ ankim për formatin e fletës së votimit me kërkesë:
1. Të renditen emrat sipas rendit alfabetik (jo mbiemrat) tek Lista e Hapur sepse shqiptarët janë mësuar me rendin alfabetik të emrave që kur ishin në klasë të parë dhe gërma e parë të jetë në bold dhe nëse rrëzohet, mbiemrat të jenë në kollonë të drejtë dhe jo në zigzage!
2. Të vendoset hapësirë e mjaftueshme nga kuadrati në kuadret lart dhe poshtë që të mos bëhet i pavlefshëm votimi preferencial i Listës së Hapur për shkak se nuk ekziston asnjë shans me kuadrate aq të vogla që të mos shënosh me stilolaps pa dashje 2 kuadratet lart e poshtë!
3. Të zmadhohen gërmat në 14″
4. Fleta të jetë aq e madhe sa të mos penalizojë të drejtën e qytetarëve kur të shënojnë emrat e preferuar!
Kështu siç është Fleta e Votimit shkel rëndë masivisht deri në 95% në Tiranë, të drejtën e qytetarëve për të votuar në Listën e Hapur sepse e sigurtë që një pjesë nuk do të kenë mundësi për të zgjedhur emrin dhe kur ta zgjedhin stilolapsi i tyre në 95% të rasteve do të cënojë kuadratet e emrave më poshtë dhe më lart duke i bërë fletët të pavlefshme!
Sipas pikës 4 të Neni 98 të Kodit Zgjedhor askund nuk thuhet se duhet të jetë mbiemri në rend alfabetik, përkundrazi detyron KQZ që “konfigurimi i fletës të jetë i qartë e i kuptueshëm për zgjedhësin dhe zgjedhësi ta ketë të lehtë orientimin për votimin e subjektit zgjedhor dhe të kandidatit të parapëlqyer.”
Neni 98, Pika 4:
“4. Fleta e votimit për zgjedhjet për Kuvendin duhet të përmbajë hapësirën e posaçme për ushtrimin e votimit parapëlqyes për kandidatët e subjektit zgjedhor.
Mënyra e votimit parapëlqyes përcaktohet nga KQZ-ja në varësi nga numri i subjekteve pjesëmarrëse në zgjedhje, duke respektuar kushtin që informacioni i përcjellë nga fleta e votimit të mos jetë tejet i ngarkuar, konfigurimi i fletës të jetë i qartë e i kuptueshëm për zgjedhësin dhe zgjedhësi ta ketë të lehtë orientimin për votimin e subjektit zgjedhor dhe të kandidatit të parapëlqyer.”
