Komisionarja për Zgjerim e Bashkimit Evropian, Marta Kos, e ka cilësuar këtë datë si një “Super të Martë” për të gjithë procesin e zgjerimit, duke u shprehur se, Shqipëria do të mbyllë tre kapitujt e parë të negociatave.
Për herë të parë në dy dekadat e fundit, Brukseli po zhvillon katër konferenca anëtarësimi në të njëjtën ditë, duke vendosur në qendër të vëmendjes përparimin e Shqipërisë, Ukrainës, Moldavisë dhe Malit të Zi.
Komisionarja Kos nënvizoi se zgjerimi mbetet një prioritet strategjik për Bashkimin Evropian. Ajo theksoi se përparimi nuk është thjesht procedural, por duhet të përkthehet në rezultate konkrete në terren për qytetarët e vendeve kandidate.
Postimi i Kos:
“Sot është një ‘Super e Martë’ për zgjerimin e Bashkimit Evropian. Për herë të parë në më shumë se dy dekada, po zhvillojmë katër konferenca të anëtarësimit në të njëjtën ditë. Katër vendet që kryesojnë procesin – Ukraina, Moldavia, Shqipëria dhe Mali i Zi – po hedhin të gjitha hapa të mëdhenj përpara në rrugën e tyre drejt anëtarësimit në BE.
Me Ukrainën dhe Moldavinë po hapim Klasterin 6, i cili mbulon fusha si mbrojtja dhe siguria, ku argumentet për anëtarësimin e tyre në Bashkimin Evropian janë veçanërisht të forta. Shqipëria do të mbyllë kapitujt e saj të parë të negociatave. Ndërsa Mali i Zi ndodhet tashmë në fazën përfundimtare të negociatave formale, pasi ka mbyllur 18 nga 33 kapituj. Tani, ky moment pozitiv duhet të shndërrohet në rezultate konkrete në terren”, shkroi Marta Kos në rrjetin social “X”.
Today is a Super Tuesday for EU enlargement.
For the first time in over 2 decades, we are holding four accession conferences on the same day.
Our four front runners Ukraine, Moldova, Albania and Montenegro are all taking major steps forward.
With Ukraine and Moldova, we are… pic.twitter.com/piUZLMuCYc
— Marta Kos (@MartaKosEU) July 14, 2026
j.l./ dita
