Një tjetër tërmet ka tronditur Japoninë pak ditë pas një tërmet dhe cunami që vranë më shumë se 200 njerëz. Tërmeti i radhës me magnitudë 6.0 tronditi sërish të njëjtën pjesë të vendit ndërsa deri më tani nuk ka paralajmërime për asnjë cunami.
Autoritetet deklaruan sot se pothuajse 60,000 familje ishin pa ujë të pijshëm dhe 15,600 nuk kishin furnizim me energji elektrike. Kushtet e rrugëve në Japoni janë përkeqësuar nga ditët e shiut që sollën rreth 1000 rrëshqitje dheu.
Pas lëkundjeve të fundit të regjistruara kryeministri japonez, Fumio Kishida udhëzoi ministrat që të bëjnë përpjekje për zgjidhjen e gjendjes së izolimit të komuniteteve dhe të vazhdojnë aktivitetet këmbëngulëse të shpëtimit.
Në qytetin Suzu të prefekturës Ishikawa ku pati edhe dëmet më të mëdha të tërmetit u gjet pas 5 ditësh në rrënoja një grua rreth të 90-ave e cila arriti të mbijetonte.
j.l./ dita
