Pas disa muajsh pa asnjë humbje jete nga COVID-19, 24 orët e fundit një qytetar ka humbur jetën.
3 498 është numri i viktimave që prej fillimit të pandemisë, ndërsa 104 persona janë shëruar duke e çuar numrin e të shëruarve në 273 844.
Nga 366 teste, 90 persona kanë rezultuar të infektuar në 24 orët e fundit.
Janë 1 825 qytetarë aktivë me Covid19 në gjithë vendin. Aktualisht në spitalin COVID-3 po marrin trajtim 17 pacientë.
Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin.
“Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese,” – thuhej në njoftimin e ministrisë.
o.j/dita
