Edhe në zgjedhjet lokale të 14 majit nuk munguan “çudirat shqiptare” nga votues të revoltuar apo shakaxhinj. Vota ikën dëm, por ‘fabula’ që lënë pas mbetet dhe madje bëhet lajm… Si kjo në video, kur një qytetar në Tiranë kishte shkruar diçka që nuk kishte ndodhur më parë.
Ai kishte shtuar në fletën e votimit një tjetër alternativë, ku kishte shkruar “Mami im” dhe votën ia kishte dhënë asaj. Pamjet e kësaj vote po bëjnë xhiron e rrjetit. Shënimi është bërë në kutinë bosh, ku qytetari apo qytetarja ka shtuar një numër me stilolaps dhe karshi shenjimin dhe tekstin…Dhe sigurisht buzëqeshja e numëruesve pranë kamerave-ekran nuk kishte si të shmangej kur e deklaruan të pavlefshme.
