Kryeministri i Kosovës Albin Kurti nëpërmjet një mesazhi thotë se mund të zhvillojë një takim me presidentin serb Aleksandër Vuçiç, gjatë vizitës së tij ditën e nesërme në Francë dhe se është i gatshëm për dialog dhe marrëveshje që do të çojnë në normalizimin e plotë të marrëdhënieve mes dy shteteve.
Kurti njofton se do të marrë pjesë në Forumin e Paqes në Paris, me ftesë të presidentit francez Emmanuel Macron, ndërsa nuk përjashton mudësinë e një takimi trilateral me Vuçiç, i cili gjithashtu është i ftuar në këtë event.
Takimi i Kurtit me Vuçiç pritet të ndodhë në mesin e tensioneve mes dy vendeve, pas implementimit të marrëveshjes së targave çka solli reagimin me bojkot të institucioneve kosovare nga zyrtarët dhe politikanët serbë. Së fundmi, ambasadori i SHBA në Prishtinë i ka bërë thirrje Kurtit të pranojë asiosiacionin e serbëve në Kosovë, që është dhe një prej pikave të planit franko-gjerman.
Mesazhi i Kurtit:
Të dashur qytetarë,
Nesër, pra të enjten, herët në mëngjes do të nisem për Paris për të marrë pjesë në Forumin e Paqes, bashkë me gruan time Ritën, e me ftesë të Presidentit Francez Emmanuel Macron. Përveç punimeve dhe darkës përgjatë këtij forumi prestigjioz, ndoshta mund të ketë edhe një takim trilateral me Presidentin e Serbisë i cili po ashtu është ftuar atje. Unë me vete do të kem ekipin tim gjashtëanëtarësh nga kryeministria.
Jam i gatshëm sepse i përgatitur, dhe gjithnjë i interesuar, për dialog për marrëveshje, për normalizim të plotë të marrëdhënieve ndërmjet Republikës së Kosovës dhe Serbisë, me njohjen reciproke në qendër. I kemi dy propozime në tavolinë: ai imi për kornizën e përgjithshme të marrëveshjes i prezantuar në takimin e 18 gushtit 2022 në Bruksel, si dhe propozimi franko-gjerman që ka mbështetjen e Shteteve të Bashkuara të Amerikës dhe Bashkimit Evropian, i prezantuar nga emisarët Jens Plötner dhe Emmanuel Bonne. Dialogu parimor me të tjerët, sundimi i ligjit njësoj për të gjithë, dhe, paqja e siguria në tërë territorin, shkojnë bashkë.
Ju falemnderit për mbështetjen e mirupafshim. Ju dëshiroj natë të mirë e ditë të mbara.
a.m/dita
Kosova ka avantazh ne kete moment dhe duhet te dije ta shfytezoje ne maximum per interesat me te mira per te.
Albin,je djale trim dhe i vendosur per lirine e Kosoves.Associacion,nuk ka.Associacioni eshte vdekje e Kosoves.Mos e harro kete.
VO:
1.KM A.Kurti të kërkoi që në paktin Franko-Gjerman të specifikohet NJOHJA E KOSOVËS SI SHTET TË PAVARUR.9 pikat e tjera janë DREU ME PRE.
2.Nëse Sërbia pranon këtë,A.Kurti të shtyj RECIPROCITETIN PËR 10 MUAJ SIÇ PROPOZON SHBA+BE.
3.Në takime me A.Viçiçin A.Kurti të kërkoi praninë e SHBA,Pasi BE nuk është në gjendje të bind 5 Shtetet e BE që nuk e njohin Kosovën.
4.KM A Kurti të ndërpresi marrëdhëniet me Non gratën në Tiranë pasi do përfundoi si Ai..non grata.
5.KM A.Kuri të rregulloi marrëdhëniet me Edi Ramën si Nr.2 i Botës në KS OKB,me përkrahje 99 % Nd/Kombëtare.
6.KM A.Kurti të ket kujdes në mardhënit me SHBA+BE,nëse do që të jet KM i Kosovës.Pasi,Populli Shqipëtar thot: “..Një dorë që nuk kafshohet dotë-PUTHET.”
-FLM DITA.