Moska nuk mban asnjë përgjegjësi që marrëdhëniet SHBA-Rusi kanë arritur nivelin më të ulët historik, tha ministri i Jashtëm rus Sergej Lavrov, duke këmbëngulur se barra e rivendosjes së tyre i takon vetëm Uashingtonit, i cili i prishi i pari.
Ne nuk do të vrapojmë në Uashington e t’u themi: Na falni se ishim djem të këqij. Nuk do ta bëjmë këtë.
Marrëdhëniet midis SHBA-së dhe Rusisë u përkeqësuan pas fillimit të konfliktit të Ukrainës në shkurt 2022. Moska e dënoi vendimin e Uashingtonit dhe vendeve të tjera perëndimore për vendosjen e sanksioneve të paprecedenta dhe dërgimin e armëve në Kiev. Kremlini argumenton se dërgesat vetëm do të zgjasin konfliktin, por nuk do të ndryshojnë rezultatin e tij.
Një çështje tjetër kryesore në marrëdhëniet dypalëshe ka qenë zgjerimi i NATO-s drejt kufijve të Rusisë, të cilin Moska e sheh si një kërcënim ekzistencial. Rusia ka thënë se dëshira e Ukrainës për t’u bashkuar me bllokun ushtarak të udhëhequr nga SHBA ishte një nga arsyet kryesore për konfliktin aktual.
Lavrov theksoi se lidhjet midis dy fuqive u thyen nga “ata që shpikën kërcënimin rus” dhe “ata që injoruan vullnetin e mirë të treguar nga Presidenti Vladimir Putin gjatë dy mandateve të tij të para”. Sipas Lavrov, politikëbërësit perëndimorë menduan se lideri rus i “shumë i mirë” dhe u përpoqën “ta mbanin atë në xhep”, gjë që ishte gabim.
a.c./dita
