Joe Biden dëshiron të rikandidojë për zgjedhjet presidenciale të vitit 2024 në Shtetet e Bashkuara të Amerikës.
“Nuk jam ende gati që ta zyrtarizoj”, është shprehur kreu aktual i Shtëpisë së Bardhë.
“Parashikoj se do të marr pjesë në të paktën dy ose tre evente për vezët e pashkëve, ndoshta edhe pesë”, tha Biden me shaka për mikrofonin e NBC duke marrë pjesë në lojën me vezët e pashkës në Shtëpinë e Bardhë.
Presidenti duhet ta bëjë njoftimin e tij zyrtar nëse do të kandidojë ose jo për zgjedhjet presidenciale gjatë verës ose në fillim të vjeshtës.
Pavarësisht dëshirës së 80-vjeçarit, shumë analistë dhe ekspertë flasin vazhdimisht për aftësitë shëndetësore të tij duke vënë në dyshim mundësinë nëse një tjetër mandat në krye të Shtëpisë së Bardhë mund të ishte një zgjedhje e duhur.
o.j/dita
