Udhëheqësit e 7 vendeve nuk janë ftuar që të marrin pjesë në ceremoninë e kurorëzimit të Mbretit Charles.
Britania e Madhe nuk u dërgoi ftesa për ceremoninë e kurorëzimit të Mbretit Charles që do të bëhet më 6 maj, udhëheqësve të Rusisë, Bjellorusisë, Iranit, Mianmarit, Sirisë, Afganistanit dhe Venezuelës.
Një burim britanik i tha Reuters se edhe për Korenë e Veriut dhe Nikaraguan ftesat ia dhanë diplomatëve të lartë dhe jo krerëve të shteteve.
Në kurorëzimin e Mbretit Charles u ftuan krerët e shteteve me të cilët Britania ka lidhje të plota diplomatike, si dhe përfaqësues të mbretërive britanike dhe territoreve të huaja.
Ftesë për të qenë pjesë e ceremonisë ka marrë edhe Presidenti i Shqipërisë, Bajram Begaj.
Mbreti Charles, i cili do të kurorëzohet zyrtarisht më 6 maj, ishte sovrani më i vjetër që mori fronin duke pasuar nënën e tij Mbretëreshën Elizabeth, e cila ndërroi jetë shtatorin e 2022.
p.k\dita
