Të dielën e ardhshme, më 23 prill, mund ta vizitoni bazilikën falas me një shoqërues. Ju duhet të plotësoni vetëm një kërkesë. Nëse emri juaj është Jordi, Jordina, Jorge, ose Georgina, leja falas është e juaja. Për të vërtetuar se emri juaj është me të vërtetë një nga këta katër, do të jetë thelbësore të paraqisni ID-në tuaj. Më 23 prill, rrugët e Barcelonës do të mbushen për të festuar një ditë që ndërthur kulturën dhe dashurinë në pjesë të barabarta. Me rastin e kësaj date të veçantë, faqja zyrtare e “Sagrada Família” ka njoftuar një ofertë të veçantë në Tëitter.
Për të hyrë në këtë vizitë falas, sipas informacioneve nga uebfaqja e bazilikës, nuk do të jetë e nevojshme të bëni një rezervim paraprak. Ky ‘turne’ përfshin hyrjen në Sagrada Familia dhe përdorimin e guidës audio. Nuk përfshihen as turi me guidë dhe as aksesi në kulla, të cilat mund të blihen në mënyrë të pavarur. Sigurisht në Shqipëri të katër emrat e mësipërm janë shumë të rrallë, për më tepër që në gramatikën shqip shkronja “G” është shpesh “Xh” për këto emra për rastin Xhorxh, apo dhe Jorgo, sepse edhe shkronja “J” në spanjisht shqiptohet “H” kur është e para.
