OKB-ja i kërkon pronarit të ri të Twitter-it, miliarderit ekscentrik Elon Musk, të respektojë të drejtat e njeriut.
Ashtu si të gjitha kompanitë Twitter-i duhet të jetë i vetëdijshëm për dëmin që mund të shkaktohet në platformën digjitale dhe të ndërmarrë veprimet e duhura.
“Respektimi i të drejtave tona të përbashkëta të njeriut duhet të jetë udhëzues për përdorimin dhe zhvillimin e platformës”, theksoi komisioneri i OKB-së për të drejtat e njeriut.
“Me pak fjalë, ju bëj thirrje që të siguroni që të drejtat e njeriut të jenë me rëndësi vendimtare kritike për menaxhimin e Twitter nën udhëheqjen tuaj.”
Postimet me gjuhë urrejtjeje në Twitter në rritje
Që kur Musk bleu Twitter-in në portalin e mesazheve të shkurtra janë shtuar postimet që përmbajnë gjuhë urrejtjeje. Klientë të ndryshëm që bëjnë reklama në Twitter kanë filluar tashmë të largohen.
Volkswagen dhe gjigandi i prodhimeve ushqimore General Mills i ndërprenë reklamat e tyre në platformën e mediave sociale Twitter. Shërbimi i mesazheve të shkurtra Twitter i gjeneronte së fundmi më shumë se 90 për qind të të ardhurave të tij nga reklamat.
Miliarderi Musk e bleu portalin e mesazheve të shkurtra për 44 miliardë dollarë dhe u bë zyrtarisht pronar i tij disa ditë më parë.
j.l./ dita
Mesaxhet e shkurta, kur kalojne kufirin,
e kritikave te forta dhe shndrohen ne shpifje,
ofeza te rënda, poshtrime te ndyra, mendoj se
duhen ndaluar.
Kjo nuk mumd te cilesohet si “ÇENSURË”
Askush nuk ka te drejte te “hedhi bomba”,
qe jane si arme biologjike, qe falsifikojne,
çorjentojne, mendjen e njerezve, i shtyjne
ne veprime ekstremiste.
OKB te ndaloje Serbine se kohet e fundit po shfaq probleme te thella ne rajon e me gjere.