Kryeministri Edi Rama, me anë të një postimi në Facebook, kërkoi mendim për këngën e fushatës së Partisë Socialiste.
“Paj Zotin, nigjojeni içik kët kongën që m’çoi i fans. A e keni idenë e kujt o se kushedi ju pëlqe për kong fushate? Apo snuk?”, shkruan Rama në videon ku dëgjohet kënga dhe shihet duke thirrur në zyrë stafin e kryeministrisë.
“Kurrë më pas, vetëm përpara”, do të jetë slogani i socialistëve në fushatën elektorale për zgjedhjet vendore të 14 majit. Pasdite në orën 17:00, Edi Rama do të mbledhë kryesinë në selinë e Partisë Socialiste.
Pas këtij takimi, kryesocialisti u ka kërkuar deputetëve të tij dhe 61 kandidatëve për kryebashkiakë të mazhorancës, që të bashkohen në seli për të marshuar më pas drejt sheshit “Skënderbej”.
