Kremlini deklaron se nuk ka dijeni për një mision paqeje të Vatikanit për Ukrainën. Zëdhënësi i Kremlinit Dmitry Peskov u tha gazetarëve të martën se Moska nuk kishte asnjë informacion në lidhje me iniciativën.
Papa Françesku tha të dielën se Vatikani ishte i përfshirë në përpjekje të matura për t’i dhënë fund konfliktit midis Rusisë dhe Ukrainës dhe se ishte gjithashtu i gatshëm të ndihmonte riatdhesimin e fëmijëve ukrainas të çuar në Rusi ose në tokat e pushtuara nga Rusia, shkruajnë mediat e huaja.
Nga ana tjetër, edhe një zyrtar ukrainas ka hedhur poshtë pretendimet e Papës se Vatikani po merr pjesë në një “mision paqeje” që synon t’i japë fund luftës.
Zyrtari anonim, i cili është afër zyrës presidenciale, i tha CNN: “Presidenti Zelensky nuk ka pranuar për ndonjë diskutim të tillë në emër të Ukrainës.
Nëse bisedimet po ndodhin, ato po ndodhin pa dijeninë tonë apo bekimin tonë”.
o.j/dita
