Tre anëtarë të forcave të sigurisë u vranë në shtetin meksikan Sinaloa, pas arrestimit të djalit të bosit të njohur të drogës El Chapo.
Ovidio Guzmán-López, i cili është trashëgimtari i pozicionit të liderit të kartelit të babait të tij, u arrestua në qytetin Culiacan dhe u transferua në Mexico City, raportoi “BBC”.
Anëtarët e bandës vendosën bllokada rrugësh, dogjën automjete dhe sulmuan aeroportin lokal, gjatë të cilit u qëlluan dy avionë, njëri pak para nisjes.
Më shumë se 100 fluturime u anuluan në tre aeroporte në Sinaloa.
Guvernatori i shtetit tha dje se 18 persona u plagosën dhe ndodhen në spital.
a.m/dita
