Prokurorja Rovena Zoto (Bozo) ka dorëzuar kandidaturën për postin e Prokurorit të Përgjithshëm. Ajo është bërë emri i dytë që hyn në garë pas prokurorit Adnan Xholi, i cili aplikoi ditën e djeshme.
Bazuar në ndryshimet kushtetuese të vitit 2016, Prokurori i Përgjithshëm zgjidhet nga Kuvendi me shumicën prej tre të pestave të votave. Kjo duke marrë për një mandat 7-vjeçar, pa të drejtë riemërimi.
Kandidatët fillimisht të dorëzojnë dokumentacionin në Këshillin e Lartë të Prokurorisë, i cili kryen vlerësimin paraprak dhe përzgjedh tre kandidatët e kualifikuar, ku më pas, lista i dërgohet Kuvendit për votim.
Gara për postin e Prokurorit të Përgjithshëm pritet të zgjerohet me kandidatura të reja para përfundimit të afatit zyrtar, pasi priten edhe tre kandidatura të reja deri më 1 gusht.
j.l./ dita
