Pas 24 orë ndërprerje me rastin e Festës së Kurba Bajramit ditën e sotme në Shkup dso të vijojë protesta kundër propozimit francez.
Sipas mediave vendase, protestat e nisura nga opozita vendase dhe nga shoqata të ndryshme qytetare janë kundër këtij propozimi ka hyrë në javën e dytë ku theksohet se ky propozim ka si synim bullgarizimin dhe asimilimin e maqedonasve.
“Vazhdojmë më masivisht dhe më në numër kundër bullgarizimit dhe asimilimit të hapur. Të bashkohemi nën gjuhën maqedonase që dimë. I bëjmë thirrje çdo familjeje që të shpalosë flamurin maqedonas në ballkonin apo dritaren e tyre,” thotë “Ulitmatum, JO faleminderit”.
Protesta do të nisë si çdo ditë në orën 19:00 para godinës së Qeverisë, më pas para Ministrisë së Drejtësisë dhe në fund para Kuvendit.
Ndërkohë, në Kuvend nesër do të zhvillohet një takim bashkërendues mes shefave të grupeve parlamentare dhe kryeparlamentarit Talat Xhaferi, ku në rend dite pritet të diskutohet edhe informata për propozimin francez, që tashmë ka hyrë në procedurë parlamentare.
Ndërkohë, dita e pestë e protestës ka përfunduar me akuza të rënda mes partive politike. LSDM dhe BDI akuzuan se incidenti tek sheshi “Skenderbeu” ishte një skenar nga koalicioni VMRO-ASH-Levica për të tensionuar situatën dhe për të nxitur tensione ndëretnike.
Ndërkohë, nga ASH dhe Lëvizja BESA kanë theksuar se skenarët e tillë po inskenohen nga ana e pushtetit, nga koalicioni LSDM dhe BDI.
j.l./ dita
