Pentagoni nis hetimet për publikimin në mediat sociale të disa prej dokumenteve që japin detaje të planeve të SHBA-së dhe NATO-s, për ndihmën në përgatitjen e Ukrainës për një ofensivë kundër Rusisë, Sipas zyrtarëve publikimi i këtyre dokumenteve cenon rëndë sigurinë.
“Ne jemi të vetëdijshëm për raportet e postimeve në mediat sociale dhe Departamenti është duke e shqyrtuar çështjen”, tha zëvendës Sekretarja e Shtypit e Departamentit të Mbrojtjes të SHBA, Sabrina Singh.
Dokumentet u shpërndanë në Twitter dhe Telegram dhe raportohet se përmbajnë detaje në lidhje me dërgesat e armëve, forcat e batalionit dhe informacione të tjera të ndjeshme, raporton The Guardian.
Një nga dokumentet përmbledh oraret e stërvitjes së 12 brigadave luftarake të Ukrainës ku thuhet se nëntë prej tyre po stërviteshin nga forcat e SHBA-së dhe NATO-s dhe kishin nevojë për 250 tanke dhe më shumë se 350 automjete të mekanizuara.
Ka kaluar më shumë se një vit që kur Rusia pushtoi Ukrainën.
p.k\dita
