Rreth 50 turistë vendas dhe të huaj kanë mbetur të bllokuar për disa orë në akset rrugore Kurbnesh-Lurë dhe Arras-Lurë.
Shkak janë bërë reshjet e shumta të dëborës që kanë rënë në zonë prej mëngjesit të sotëm.
Turistët ishin nisur për të kaluar fundjavën në bujtinat e zonës piktoreske, por kanë kërkuar ndihmë kur e kanë patur të pamundur të vijonin rrugën.
Një grup banorësh është nisur drejt vendngjarjes duke arritur t’i ndihmojnë në kohë.
Aktualisht kjo zonë po vuan edhe mungesën e energjisë elektrike.
a.c./dita
