Ish-kryebashkiaku socialisti i Kukësit doli në gjykatë për masë, ku ka deklaruar se nuk ka kryer vepër penale, por se krimi i tij ishte moral, i ndëshkueshëm dhe që po e vuan dhe paguan atë ‘rënie në kurth’, siç e quajti.
GJKKO la në fuqi masën e sigurisë arrest me burg për ish-kryetarin e bashkisë së Kukësit Safet Gjici i akuzuar për korrupsion pasiv dhe shpërdorim detyre.
Në sallën e gjyqit Gjici është shprehur se nuk ka kryer asnjë vepër penale.
“S’ka asnjë procedurë të nisur për tender apo praktikë, skam bërë asgjë. U ndëshkova për atë gabim që bëra, më ndëshkoi familja dhe shoqëria.
E mora dënimin për atë veprim të turpshëm, rashë në kurth”, mësohet të jetë shprehur Gjici.
