Transplanti i parë në botë i një zemre që kishte pushuar së rrahuri për 20 minuta është kryer në spitalin e Padovës. Mediat vendase shkruajnë se në të kaluarën kishte ndodhur që transplantet të ishin kryer nga një zemër që kishte ‘ndalur’ për disa minuta.
“Ne jemi të parët në botë që kemi demonstruar se një zemër që ka ndërprerë çdo aktivitet për 20 minuta mund të përdoret për një transplant zemre”.-tha Gino Gerosa, drejtor i kardiokirurgjisë në Padova.
Gersa shpjegoi rëndësinë e këtij operacioni, duke shprehur se kjo do të rrisë numrin e zemrave të disponueshme për transplantim me 30%. Gjithashtu ai njoftoi se zemra e transplantuar tek pacienti 46-vjeçar po funksionon mirë.
o.j/dita
