Për herë të parë si President, Biden takim me liderin kinez në Bali

Udhëheqësi kinez Xi Jinping mbërriti në ishullin indonezian të Balit të hënën për një takim të shumëpritur me Presidentin e SHBA, Joe Biden.

Dy liderët do të takohen përpara samitit të Grupit të 20 (G20), që do të jetë i mbushur me tensione lidhur me pushtimin rus të Ukrainës.

Joe Biden do të bëjë të qartë se SHBA nuk kërkon konflikt me Pekinin gjatë takimit të tij me liderin kinez, Xi Jinping në Bali, por do kërkojë ruajtjen e paqes dhe stabilitetit në ngushticën e Tajvanit, sipas zyrtarëve të lartë të Shtëpisë së Bardhë.

Samiti është takimi i parë ballë për ballë i liderëve që kur Biden mori detyrën në janar 2021.

Ai do të zhvillohet në ishullin indonezian të hënën dhe vjen në mes të tensioneve në rritje mbi Tajvanin, një demokraci vetëqeverisëse që Kina e pretendon si territorin e saj dhe është zotuar ta marrë me forcë nëse është e nevojshme.

Biden do të parashtrojë prioritetet e SHBA-së për veprimet ushtarake “provokative” të Kinës pranë Tajvanit, tha një nga zyrtarët.

Rritja e bashkëpunimit nuk do të çonte domosdoshmërisht në përparim thelbësor për “çështjet më të mprehta” si Tajvani”, tha zyrtari.

Objektivi kryesor i seancës nuk është arritja e marrëveshjeve apo rezultateve, të dy liderët nuk do të lëshojnë ndonjë deklaratë të përbashkët më pas, por për të kuptuar më mirë prioritetet e njëri-tjetrit dhe për të reduktuar keqkuptimet, sipas zyrtarit amerikan.

Joe Biden dhe Xi Jinping u njohën për herë të parë më shumë se 10 vjet më parë, kur SHBA dhe Kina ishin afruar më shumë për tre dekada, pavarësisht dallimeve të tyre.

“Trajektorja e marrëdhënieve nuk është gjë tjetër veçse pozitive dhe është jashtëzakonisht në interesin reciprok të të dy vendeve tona”, tha Biden në vitin 2011 kur, si zëvendëspresident, ai vizitoi Pekinin për të ndërtuar një marrëdhënie personale me liderin e atëhershëm të Kinës.

Por pozitiviteti dhe optimizmi i një dekade më parë është zëvendësuar nga dyshimi dhe armiqësia reciproke.

Kur Biden u kthye në Shtëpinë e Bardhë si President, marrëdhëniet mes SHBA dhe Kinës  ishin në formën më të keqe në dekada, me tensione të ndezura në tregti, teknologji, gjeopolitikë dhe ideologji.

j.l./ dita