Policia e Kurbinit ka identifikuar dy persona të implikuar në veprimtarinë kriminale të shitjes në doza të kanabisit në një lokal në Laç, ku njëri prej tyre është arrestuar, ndërsa tjetri është shpallur në kërkim.
Gjatë operacionit “Ndërthurja” të zhvilluar më 27 qershor, Policia zbuloi në Laç, një lokal të përshtatur për shitjen në doza të kanabisit si dhe u arrestuan pronari i lokalit dhe një kamerier.
Në aksionin e ndërmarrë këtë të enjte (3 gusht), blutë e Kurbinit vunë në pranga një 23-vjeçar, ndërsa shpallën në kërkim bashkëmoshatarin e tij.
Këta dy persona, janë të përfshirë në shitjen e kanabisit në doza.
p.k\dita
