Një zjarr në një spital në Pekin ka vrarë të paktën 29 persona dhe ka detyruar dhjetëra të tjerë të evakuuohen.
The Guardian raporton se njerëzit e bllokuar në ndërtesën shumëkatëshe përdorën çarçafët si litarë të improvizuar dhe shpëtuan duke zbritur nga dritaret.
Zjarri ka prekur krahun që strehonte pacientë të sëmurë rëndë.
Mësohet se 26 persona nga ata që humbën jetën ishin pacientë në spital. Viktima më e re ishte 40 vjeç dhe më e madhja 88.
Shkaku i zjarrit është duke u hetuar, por zyrtarët besojnë se e ka origjinën nga shkëndijat e saldimit nga puna që po kryhej në krahun e spitalit. Aktualisht janë arrestuar gjithsej 12 persona, përfshirë drejtuesen e spitalit dhe zëvendësin e saj, së bashku me kreun e ekipit të ndërtimit.
Po ashtu, ka nisur një hetim në mbarë qytetin për masat e sigurisë nga zjarri në shtëpitë e kujdesit dhe ndërtesat e larta.
j.l./ dita