Një 33-vjeçar ka përfunduar me plagë në spitalin e Shkodrës.
Ngjarja ndodhi mesditën e sotme dhe sipas dëshmisë, ky shtetas deklaron se në fshatin Bleran, pas një konflikti të çastit e kanë goditur disa persona.
Policia thotë se autorët nuk janë identifikuar ende.
“Rreth orës 12:10, në spitalin rajonal të Shkodrës, është paraqitur i dëmtuar lehtë, shtetasi K. Sh., 33 vjeç, banues në fshatin Bleran, i cili pretendon se gjatë një konflikti të çastit, për motive të dobëta, në rrugën “Isa Jakupi” e kanë goditur me sende të forta, 2 shtetas të paidentifikuar. Grupi hetimor vijon të punojë për identifikimin dhe kapjen e 2 shtetasve, si dhe për sqarimin e rrethanave të rastit”, sqaron policia.
p.k\dita
