Një tjetër prag-tragjedie nga armët në SHBA. Të shtënat me armë në një festë të madhe të maturës, në një shtëpi në Teksas, lanë të plagosur nëntë adoleshentë, teksa pati edhe një tjetër vendngjarje me të shtëna më vonë aty afër dhe që besohet se ka qenë i njëjti person apo persona. Zëvendëssherifi në Jasper County, në Teksasin Lindor, tha se mbërritën në orët e vona të së dielës në një shtëpi ku rreth 250 njerëz po festonin. Ata gjetën nëntë viktima me plagë me armë zjarri, që nuk dukeshin të rrezikshme për jetën, sipas një deklarate nga Zyra e Sherifit të Qarkut Jasper. Tetë persona u dërguan me automjete personale në Spitalin Jasper Memorial, dhe të paktën njëri prej tyre u transferua në një spital në Beaumont aty pranë, tha zëdhënësi i Zyrës së Sherifit të Qarkut Jasper, Karli Cherry. Një të shtëna e dytë brenda qytetit të Jasper ndodhi menjëherë pas të parës, thuhet në deklaratë. Nuk pati të lënduar në të shtënat e dyta, por një lidhje po hetohet për shkak të një “makine të përbashkët në të dy lokacionet”, thuhet në deklaratë. Sipas deklaratës “po merren në pyetje personat e interesuar” dhe hetimi është në vazhdim, teksa ende nuk publikohen detajet e dinamikës, shkaqeve dhe autorit.
Kerko
