Pas vendimit të Gjykatës Kushtetuese për SKY ECC ka nisur gjykimi në themel në GJKKO për dosjen Metamorfoza. Në seancën e parë në themel biznesmeni Pëllumb Gjoka nuk është paraqitur por mbrohet nga avokatet Ylli Manjani dhe Gurali Brahimllari.
Prokurori Altin Dumani, njëherazi kreu i SPAK kërkoi vijimin e shqyrtimit gjyqësor dhe viktimat e veprës penale të quhen të njoftuar pasi gjykata ka ezauruar rrugën ligjore.
Avokati i ish-shefit të policisë Adrit Hasanbegaj kërkoi shtyrje të seancës për shkaqe procedurale për të pasur kontakt me klientin dhe një mbrojtje efektive.
Ndërkohë, avokatët e Pëllumb Gjokës kërkuan të shtyhet në afatin maksimal për të pritur dhe zbardhjen e vendimit të Gjykatës Kushtetuese. Seanca e ardhshme u la më 21 janar.
i.b./dita
