Një sherr mes dy shqiptarëve nga Kosova është shënuar mbrëmjen e sotme, rreth orës 21:30, në plazhin e Shëngjinit, në Lezhë. Një 59-vjeçar është goditur me thikë pas një konflikti të çastit nga Hazir Berisha, 66 vjeç, po nga Kosova.
Mësohet se 59-vjeçari i identifikuar me inicialet S.B., është dërguar në spitalin në Spitalin Rajonal Lezhë, për t’ju nënshtruar ndërhyrjes kirurgjikale.
Ndërkohë policia ka mundur të arrestojë autorin e dyshuar, Hazir Berisha dhe të sekuestrojë thikën me të cilën dyshohet se krye krimi. Vijojnë veprimet hetimore nga grupi hetimor për zbardhjen e plotë të rrethanave të ngjarjes dhe dokumentimin ligjor të saj.
