Të paktën 25 persona të dyshuar se po organizonin një komplot për të rrëzuar qeverinë gjermane janë arrestuar.
Media vendasve raportojnë se grupi përbëhet nga figura të ekstremit të djathtë dhe ish-ushtarak.
Dyshohet se ata po planifikonin të sulmonin ndërtesën e parlamentit, Reichstag, dhe të merrnin pushtetin.
Një shtetas gjerman, i referuar si princi Heinrich XIII, 71-vjeç, dyshohet se ka qenë “truri” i këtij plani.
Në mesin e të arrestuarve në 11 lande gjermane, sipas prokurorëve federalë, ishin dy drejtuesit e planit.
Komplotuesit përfshijnë anëtarë të lëvizjes ekstremiste Reichsbürger (Qytetarët e Rajhut), e cila ka qenë prej kohësh në vështrimin e policisë gjermane për sulme të dhunshme dhe teori konspirative raciste. Ata gjithashtu refuzojnë të njohin shtetin modern gjerman.
Rreth 50 burra dhe gra dyshohet se kanë qenë pjesë e grupit, që akuzohen se po komplotonin për të përmbysur republikën dhe për ta zëvendësuar atë me një shtet të ri të modeluar sipas Gjermanisë së 1871.
“Ne nuk kemi ende një emër për këtë grup”, tha një zëdhënëse e zyrës së prokurorit federal.
j.l./ dita
