Një përplasje mes dy trenave në Indinë lindore ka vrarë të paktën 288 persona dhe ka plagosur rreth 850 të tjerë. Ekipet e shpëtimit sot janë duke u përpjekur të çlirojnë shumë pasagjerë të bllokuar në rrënojat.
Gazetarët në vendngjarje panë vagona të përmbysura, punonjës shpëtimi që punonin pa ndalur për të çliruar të mbijetuarit dhe shumë trupa të mbuluar me çarçafë të bardhë pranë shinave të trenit, pranë Balasore, rreth 200 km nga Bhubaneswar, kryeqyteti i shtetit Odisha.
Drejtori i përgjithshëm i brigadës së zjarrit të shtetit Odisha, Sundhansu Saranji, i tha AFP se numri i të vdekurve kishte arritur në 288.
“Operacionet e shpëtimit janë duke vazhduar dhe nuk do të përfundojnë për disa orë”, shtoi ai.
Një zyrtar i lartë i qeverisë rajonale, Pradeep Jena, tha se rreth 850 njerëz janë shtruar në spital.
Sipas Amitabh Sharma, drejtor i Hekurudhave Indiane, dy trena pasagjerësh ishin “të përfshirë në mënyrë aktive në aksident”. Një tren tregtar ishte parkuar në vendin e tragjedisë, shtoi ai, pa dhënë detaje.
“Numri i të vdekurve dhe të plagosurve është i vështirë për t’u vlerësuar për momentin,” shpjegoi ai sepse shumë pasagjerë ka të ngjarë të mbeten të bllokuar në rrënoja.
Two trains derailed in India in the eastern state of Odisha on Friday, killing dozens of people and injuring hundreds more, according to Indian news reports. https://t.co/pU4Zz2Lq5e pic.twitter.com/pfsElsiRBm
— The New York Times (@nytimes) June 2, 2023
Një i mbijetuar u tha gazetarëve se ishte në gjumë kur ndodhi përplasja dhe se kur u zgjua ishte nën një duzinë pasagjerësh të tjerë. Më pas ai arriti të zvarritet nga karroca me lëndime në qafë dhe duar.
Kryeministri indian Narendra Modi tha se ai ishte “i shkatërruar”.
“Mendimet e mia janë me familjet e pikëlluara. I uroj të plagosurve një shërim të shpejtë,” shkroi Modi në Twitter, duke shtuar se ai kishte folur me ministrin e Hekurudhave Ashwini Vaishnav për të “vlerësuar situatën”.
Vaishnau njoftoi se do të shkonte menjëherë në vendin e aksidentit dhe se ushtria ishte mobilizuar për të ofruar ndihmë.
India ka pasur shumë aksidente hekurudhore
India ka pasur shumë aksidente të mëdha hekurudhore në të kaluarën, por siguria hekurudhore është përmirësuar ndjeshëm vitet e fundit falë investimeve masive dhe përmirësimit të teknologjive. Aksidenti më i rëndë hekurudhor në historinë e Indisë ndodhi më 6 qershor 1981 kur një tren pasagjerësh doli nga shinat në shtetin e Biharit dhe shtatë vagonë ranë nga një urë në ujërat e lumit Bagmati, duke vrarë 800 deri në 1000 njerëz.
Gjithashtu më 20 nëntor 2016, treni ekspres Patna-Indore, me 2000 persona, doli nga shinat herët në mëngjes në një zonë rurale në shtetin e Uttar Pradesh, ndërsa shumica e pasagjerëve ishin duke fjetur. Të paktën 146 njerëz u vranë dhe rreth 180 u plagosën.
Odisha CM Naveen Patnaik meets the people, who are admitted to a hospital in Balasore, after getting injured in the #BalasoreTrainAccident. pic.twitter.com/npYxgdkmS1
— ANI (@ANI) June 3, 2023
j.l./ dita
