Belinda Balluku u paraqit në ambientet e Gjykatës së Posaçme këtë të shtunë, ku u zhvillua dhe seanca ndaj saj për akuzat mbi manipulimin e Tenderit të ‘Llogarasë’ dhe ‘Unazës së Madhe’.
Ajo u njoh zyrtarisht me masën pezullim nga detyra e ministres së Energjisë dhe Infrastrukturës, dhe ndalim i lëvizjes jashtë vendit. Po ashtu dy vartësit e saj, kreu i KESH, Erald Elezi dhe ai i ARRSH, Gentian Gjyli u njohën me masën arrest shtëpie.
Pas seancës, GJKKO publikoi dhe njoftimin e plotë:
Njoftimi i plotë:
Kërkuesi Prokuroria e Posaçne kundër Korrupsionit dhe Krimit të Organizuar me datë 21.11.2025 ka paraqitur pranë Gjykatës kërkesën me objekt: “Marrja në pyetje dhe verifikimi i kushteve dhe kritereve të zbatimit të masës së sigurimit personal me karakter shtrëngues dhe ndalues, caktuar me vendimin Nr. 118, datë 19.11.2021 të Gjykatës së Posaçme të Shkallës së Parë Për Korrupsionin dhe Krimin e Organizuar, ndaj të pandehurve Belinda Balluku, Gentian Gjyli dhe Erald Elezi”.
Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Çela, me vendimin 120, datë 22.11.2025, vendosi:
– Vazhdimin e zbatimit të masës së sigurimit personal me karakter shtrëngues “Ndalimi i daljes jashtë shtetit” dhe masës së sigurimit personal me karakter ndalues “Pezullimi i ushtrimit të një detyre a shërbimi publik”, (si Zv.Kryeministër i Republikës së Shqipërisë dhe Ministër i Infrastrukturës dhe Energjisë), të parashikuara nga nenet 233 dhe 242 të K.Pr.Penale, ndaj të pandehurës Belinda Balluku, të caktuara me vendimin nr. 118, dt. 19.11.2025 të Gjykatës së Posaçme të Shkallës së parë për Korrupsionin dhe Krimin e Organizuar.
Vazhdimin e zbatimit të masës së sigurimit personal me karakter shtrëngues “Arrest në shtëpi”, e parashikuar nga neni 237 i K.Pr.Penale, ndaj të pandehurit Gentian Gjyli, e caktuar me vendimin nr. 118, dt. 19.11.2025 të Gjykatës së Posaçme të Shkallës së parë për Korrupsionin dhe Krimin e Organizuar.
Vazhdimin e zbatimit të masës së sigurimit personal me karakter shtrëngues “Arrest në shtëpi”, e parashikuar nga neni 237 i K.Pr.Penale, ndaj të pandehurit Erald Elezi, e caktuar me vendimin nr. 118, dt. 19.11.2025 të Gjykatës së Posaçme të Shkallës së parë për Korrupsionin dhe Krimin e Organizuar.
Saktësimin e adresës së zbatimit të masës së sigurimit personal me karakter shtrëngues “Arrest në shtëpi” duke urdhëruar të pandehurin Erald Elezi që të mos largohet nga banesa e tij që ndodhet në qytetin e **** me adresë: ****.
Urdhërohet Prokuroria e Posaçme kundër Korrupsionit dhe Krimit të Organizuar dhe shërbimet e policisë gjyqësore për zbatimin e këtij vendimi.
Kundër këtij vendimi mund të bëhet ankim në Gjykatën e Posaçme të Apelit Kundër Korrupsionit dhe Krimit të Organizuar brënda 5 ditëve, nga njoftimi.
j.l./ dita
Prisni sa të mbledhë faktet prokurorija dhe pastaj të bëhet gjygji në se është e fajshme apo e pafajshme ! Por personi duhet të pushohet deri sa të vijë koha, pra zgjat me vite në të tre shkallët e gjyqsorit! Duhet të regullohen me ligj që Prokuroria duhet të paraqesë menjëherë akuzën dhe Gjykata e shkallës së parë të japë dënimin ose të pafashëm. Imagjinoni se çfarë heqin njerëzit e thjeshtë me këto forma gjjykimi! Ligjet i keni të pasakta dhe shani kohën e monizmit që gjykatat ishin diktatoriale!!!