Pini shumë ujë dhe mos lëvizni në orët e pikut, vijon i nxehti përvëlues, temperaturat sot pritet të kapin 41 gradë C

Pjesa e parë e ditës së sotme do të dominohet nga orët e shumta me diell në të gjithë vendin tonë.

Pjesa e dytë e ditës shfaq vranësira kalimtare, të cilat më të dukshme do të jenë në zonat malore, por nuk do të mund të krijojnë mundësi për reshje përgjatë zonës malore.

Po ashtu gjatë mbrëmjes dhe natës do vijojnë të jenë prezente vranësirat kalimtare, të cilat më të fokusuara do të mbeten në Verilindje të territorit.

Temperaturat e ajrit gjithsesi do të jenë të larta dhe do të arrijnë deri në 41°C. Temperatura më e ulët në hije parashikohet në zona malore të thella, në rreth 17 gradë C.

Era do të fryjë mesatarisht me shpejtësi 38 km/h nga drejtimi Perëndimor – veriperëndimor duke krijuar në brigjet detare dallgëzim 2 ballë.

a.d. / dita