Një 35-vjeçar shqiptar është shpallur në kërkim nga policia rumune, pasi akuzohet se ka plagosur rëndë pronarin e një klubi nate, në Bukuresht të Rumanisë. I dyshuari është identifikuar si Elis Rroshkodol, teksa në sherr e sipër ka goditur disa herë me thikë pronarin e klubit “Nuba”. Mësohet se sherri me tyre ka nisur në një qebaptore dhe shqiptari është ngritur nga tavolina dhe me një thikë që ka pasur në dorë, e ka qëlluar pronarin e lokalit. Menjëherë pas sulmit është larguar nga vendngjarja, duke e lënë të plagosurin në tokë të mbuluar në gjak. Për rrjedhojë 35-vjeçarit shqiptar Elis Rroshkodol është shpallur në kërkim nga policia rumune, e cila dyshon se shqiptari ka kaluar kufirin dhe është arratisur në Stamboll. Nga ana tjetër rrethanat e ngjarjes mbeten të paqarta. Nuk dihet nëse mes shqiptarit dhe të plagosurit ka pasur ndonjë konflikt të hershëm apo jo.
Plagosi me thikë në qebaptore pronarin e lokalit, Rumania shpall në kërkim 35-vjeçarin shqiptar
