I dërguari i posaçëm i Bashkimit Evropian për dialogun Kosovë-Serbi, Miroslav Lajçak ka përfunduar takimin e dytë me presidentin serb, Aleksandër Vuçiç, në Beograd. Përmes një postimi në rrjetet sociale, Lajçak u shpreh se u diskutua për aneksin e zbatimit të planit evropian. Lajçak shtoi se do të bëhen përgatitjet përpara takimit të radhës në Ohër mes Kurtit dhe Vuçiçit më 18 mars.
“Përfundova takimin tim të dytë me presidentin Aleksandër Vuçiç për të dëgjuar komentet e tij mbi Aneksin e Zbatimit dhe rrugën përpara për Marrëveshjen e BE-së. Pasi kemi marrë reagime nga të dyja palët, tani do të finalizojmë përgatitjet tona përpara takimit në Ohër të shtunën”, shkroi Lajçak në Twitter.
m.b./dita
