Gjatë kontrolleve të policisë në kufi, është arrestuar edhe një person për mosdeklarimin e parave, teksa u sekuestruan 19900 dollarë. Shërbimet e Policisë Kufitare në PPK Grabom, bazuar në analizën e riskut, në dalje të vendit tonë, bënë me dije se kanë kaluar në vijën e dytë, për kontroll të detajuar, automjetin me drejtues shtetasin A. T., nga Plava, Mali Zi. Gjatë kontrollit, shërbimet e Policisë kanë gjetur dhe sekuestruar në cilësinë e provës materiale 19900 dollarë amerikanë, të cilat ky shtetas nuk i kishte deklaruar sipas përcaktimeve ligjore.
