Një aksident dramatik ndodhi pasditen e sotme, në lagjen “1 Maji” të Fierit. Rreth orës 18:10, një makinë tip “Benz”, me drejtues V.V., ka përplasur një 12-vjeçar që ishte duke kaluar rrugën me biçikletë.
I mituri, emri i të cilit nuk bëhet i ditur për shkak të moshës, është dërguar në spitalin rajonal të Fierit, ku po merr dhe ndihmën e nevojshme mjekësore, teksa sipas bluzave të bardha ka hematoma dhe fraktura nga goditja. Ndërsa policia ka shoqëruar në komisariat drejtuesit e automjetit tip “Benz”. Grupi hetimor vijon hetimet për përcaktimin e shkaqeve të aksidentit, nëse është pakujdesi e shoferit, apo prerje e rrugës nga fëmija.
