Një 19-vjeçar i identifikuar si Maldin Hekurani, është arrestuar nga policia në Pogradec, teksa u kap duke transportuar 6 emigrantë të paligjshëm. Në kërkim është shpallur shoku i tij 21-vjeçar, i identifikuar si N. Ç., që kontrollonte rrugën dhe sinjalizonte në rast se kishte policë. Ata merrnin 500-1000 euro për transportin e emigrantëve drejt Tiranës.
Hekurani u kap teksa drejtonte me automjetin tip “Benz”, brenda të cilit ishin 6 emigrantë nga vendet e treta, të cilët kishin si qëllim kalimin e paligjshëm drejt vendeve të BE-së. Të dy shokët që bashkëpunonin ishin banues në Kavajë. Materialet i kaluan Prokurorisë pranë Gjykatës së Rrethit Gjyqësor Pogradec, për veprime të mëtejshme.
