Policia ka konfirmuar atentatin ndaj 42-vjeçarit Nikolin Lekstakajt, duke raportuar të dhënat paraprake të hetimit, për interes publik. Autorët mbeten të paidentifikuar, kurse pista kryesore është hakmarrja.
Lezhë/Informacion paraprak:
“Më datë 19.07.2023, rreth orës 18:30, në Balldre, Lezhë, në rrethana ende të paqarta është vrarë me armë zjarri shtetasi N. M (L), rreth 42 vjeç.
Menjëherë në vendngjarje kanë shkuar shërbimet e Policisë dhe kanë bërë rrethimin e zonës, janë ngritur pika kontrolli e vijon krehja e zonës për identifikimin dhe kapjen e autorit/ëve.
Grupi hetimor nën drejtimin e Prokurorisë po vijon punën për zbardhjen dhe dokumentimin e rrethanave të ngjarjes, identifikimin dhe kapjen e autorit/ëve”.
