Si këngëtarja e njohur spanjolle Edurne, ashtu edhe portieri i United, David De Gea, janë në një fazë shumë të lumtur. Këngëtarja ka qenë pjesë e jurisë së ‘Got Talent: All Stars’ dhe portieri ka pasur një sezon emocionues në Manchester United. Jo vetëm kaq, por portieri ka marrë ‘Dorëzën e Artë’.
Çifti është bashkë prej më shumë se 12 vitesh dhe lidhja e tyre u zbulua në janar të vitit 2011. Dy vite më parë, ata vendosën të zgjerojnë familjen me ardhjen në jetë të vajzës së tyre të parë Yanay.
Ky 2023 është plot me dasma të çifteve të ndryshëm të famshëm dhe mes tyre ajo e De Gea-Edurne. Ata kanë hedhur një hap tjetër në lidhjen e tyre dhe do të thonë “PO” këtë verë, me një dasmë me të ftuar specialë, por detajet mbahen sekret.
Edhe pse ende po hetojnë se ku do të mbahet, ka mundësi që ajo të jetë në Madrid dhe gazetarët kanë komentuar se dasma do të zgjasë disa ditë.
