Lajm i mirë për gjendjen shëndetësore të Edwin Van der Sar. Ish-portieri holandez është larguar nga ICU pasi pësoi një hemorragji në tru në fillim të muajit dhe do të lejohet të largohet nga spitali javën e ardhshme.
Aktualisht drejtor sportiv te Ajax, 52-vjeçari duhej të shtrohej në spital në urgjencë për një hemorragji në tru, ndërsa ishte me pushime në Kroaci. Kohët e fundit ai u përmirësua mjaftueshëm sa të mund të transferohej në Holandë dhe tani ka raportuar se është jashtë njësisë së kujdesit intensiv.
“Së pari duam t’i falënderojmë të gjithë për të gjitha mesazhet e mrekullueshme dhe mbështetëse. Jam i lumtur të ndaj që nuk jam më në repartin e kujdesit intensiv. Megjithatë jam ende në spital. Shpresoj të jem në shtëpi javën tjetër dhe të bëj hapin tjetër në rimëkëmbjen time!”, është shprehur Van der Sar përmes Twitter.
