Një 52-vjeçar nga Kukësi, banues në fshatin Brekijë, është vënë në pranga nga policia.
Ai ishte shpallur në kërkim pasi akuzohet se posedonte bashkë me vëllain e tij dhe një tjetër person, 1 kilogram lëndë eksplozive, 6 kilogramë lëndë narkotike kanabis dhe një sasi municioni luftarak, të cilat u gjetën dhe u sekuestruan nga Policia.
Sakaq, vëllai i tij dhe një person tjetër u arrestuan një vit më parë, ditën e zhvillimit të operacionit kundër veprimtarive kriminale. Grupi hetimor po kryen verifikimet, për të zbardhur veprimtarinë dhe rolin e 52-vjeçarit nga Kukësi.
“Bashkëposedues i 1 kilogrami lëndë eksplozive, 6 kilogramëve cannabis sativa dhe një sasie municioni luftarak, kapet dhe vihet në pranga 52-vjeçari i shpallur në kërkim.
Lënda eksplozive, droga dhe municioni u gjetën nga Policia, më datë 20 korrik 2022, si rezultat i operacionit “Cooperation”. Gjatë tij u arrestuan vëllai i 52-vjeçarit dhe një 36-vjeçar, bashkëpunëtorë në këto veprimtari kriminale. Si rezultat i kontrolleve të mbështetura te informacionet nga inteligjenca policore, të siguruara në vijim të megaoperacionit “Sundimi i ligjit”, specialistët për Hetimin e Krimeve të Komisariatit të Policisë Kukës lokalizuan, kapën dhe vunë në pranga shtetasin F. A., 52 vjeç, banues në fshatin Brekije.
52-vjeçari ishte shpallur në kërkim, pasi akuzohet se posedonte bashkë me vëllanë e tij, shtetasin P. A. dhe me shtetasin F. K., të dy të arrestuar nga Policia, në kuadër të operacionit “Cooperation”, më datë 20 korrik 2022, 1 kilogram lëndë eksplozive, 6 kilogramë lëndë narkotike cannabis sativa dhe sasi municioni luftarak, të cilat u gjetën dhe u sekuestruan nga Policia, ditën e operacionit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme“, bën me dije policia.
p.k\dita
