Presidenti brazilian Luiz Inácio Lula da Silva ka propozuar që Ukraina t’i dorëzojë Rusisë gadishullin e Krimesë për t’i dhënë fund luftës.
“Presidenti rus Vladimir Putin nuk mund të pushtojë territorin e Ukrainës. Ndoshta ne mund të diskutojmë Krimenë. Por ai duhet të mendojë për pushtimin e tij […] Por as Zelenskyy nuk mund të marrë gjithçka që dëshiron […] Bota ka nevojë për paqe […] Ne duhet të gjejmë një zgjidhje”, ka thënë ai.
Presidenti ukrainas Volodymyr Zelenskyy zhvilloi një telefonatë me liderin brazilian Luiz Inácio Lula da Silva për të diskutuar zbatimin e Formulës së Paqes në Ukrainë, shkruajnë mediat e huaja.
Zelenskyy falënderoi Brazilin për mbështetjen e tij për rezolutën e Ukrainës për paqen dhe integritetin territorial të vendit. Të dy udhëheqësit diskutuan gjithashtu përpjekjet diplomatike që mund t’i japin fund agresionit rus dhe të sjellin paqe në Ukrainë dhe në pjesën tjetër të botës.
Në prill, Andrii Sybiha, një këshilltar i Presidentit Zelenskyy tha Ukraina ishte e përgatitur të diskutonte të ardhmen e Krimesë me Rusinë nëse Forcat e Armatosura të Ukrainës arrijnë në kufirin e gadishullit të pushtuar nga Rusia.
j.l./ dita