Një superjaht krejt i ri pret Jeff Bezos verën në prag. Mrekullia 127 metra “Koru”, javën e kaluar u largua nga kantieret detare në Holandë, me destinacion bregdetin e Spanjës, pranë Mallorca.
Aty jahti luksoz do t’i nënshtrohet kontrolleve përfundimtare, përpara se të dorëzohet në duart e miliarderit amerikan.
Sipas informacioneve nga Bloomberg, jahti i kushtoi themeluesit të Amazon më shumë se 500 milionë dollarë.
Sigurisht, kjo shumë është një pikë në oqeanin e parave që ndodhet në llogarinë bankare të 59-vjeçarit. Të mos harrojmë se bëhet fjalë për njeriun e 3-të më të pasur në botë, me një pasuri prej 126.2 miliardë dollarësh.
“Koru”, i njohur më parë si Y721, po lundron nën flamurin e Ishujve Kajman. Është anija më e gjatë me vela dhe një nga më të mëdhatë e ndërtuara ndonjëherë nga Hollanda Oceanco.
Kujtohet se super-jahti shkaktoi disa probleme dhe shumë… dhimbje koke për prodhuesit e tij. Dhe kjo për shkak të lartësisë së madhe të velave të saj, të cilat nuk mund të kalonin nëpër një urë historike prej çeliku, në mënyrë që anija të lundronte në Detin Baltik.
Fillimisht, Oceano i kërkoi qytetit të Roterdamit të çmontonte urën, gjë që u pranua nga autoritetet lokale. Por për shkak të protestave publike, plani u anulua.
Kështu u vendos bashkërisht që jahti të kalonte urën pa velat e saj, të cilat u vendosën më pas. Përveç sa më sipër, madhësia e velave pati një efekt tjetër të pakëndshëm. Kjo, pasi nuk mund të ulet helikopteri.
m.b./dita
