Forcat e armatosura të Izraelit nisën evakuimin e civilëve palestinezë nga qyteti jugor i Gazës, Rafah, përpara se të nisin ofensivën ushtarake, njoftoi një transmetues izraelit.
Radioja e Ushtrisë tha se evakuimet janë përqendruar në disa qarqe periferike të Rafahut, nga të cilat të evakuuarit do të dërgohen në tendat në Khan Jounis dhe Al Muvasi.
Më herët, ushtria izraelite u bëri thirrje palestinezëve në pjesët lindore të Rafahut që të lëvizin “drejt një zone të afërt humanitare”.
Ushtria tha se do të përdorë mesazhe me tekst, telefonata dhe njoftime në media “për të inkurajuar lëvizjen graduale të civilëve në zonat e specifikuara”.
Forcat ushtarake izraelite kanë deklaruar se 100 mijë persona pritet të evakuohen nga Rafahu lindor si pjesë e operacionit.
“Njerëzit do të zhvendosen në zona ‘më të sigurta’ humanitare. Nuk ka asnjë afat kohor për një operacion të tillë”, tha një zëdhënës.
Ushtria izraelite ka publikuar edhe një hartë që ilustron evakuimin e përkohshëm të pjesëve të Rafahut lindor në zonën e saj të caktuar humanitare në al Mawasi.
Duke shpallur planin e saj të evakuimit, IDF tha se do të “vazhdojë të ndjekë Hamasin kudo në Gaza” derisa të kthehen të gjithë pengjet.
Lufta mes Izraelit dhe Hamasit ka nisur shtatë muaj më parë, pasi Hamasi ka sulmuar fillimisht tokën izraelite, duke vrarë mbi 1.200 persona.
Në ofensivën hakmarrëse të Izraelit në Gazë, e cila vazhdon ende, janë vrarë afro 35.000 njerëz, sipas autoriteteve në enklavë.
Ushtria e Izraelit thotë se fitorja kundër Hamasit është e pamundur pa e marrë kontrollin e qytetit Rafah.
Por, me më shumë se një milion palestinezë që janë të strehuar në Rafah, gjasat e një operacioni me numër të madh viktimash kanë shqetësuar tashmë fuqitë perëndimore dhe Egjiptin fqinj.
j.l./ dita
Ju vraft zoti ju dhe usa.