PROCES VERBAL I MBLEDHJES SË KRYESISË DATË 25.03.2023 DHE VENDIMET QË U MORËN
Më 25 mars 2023, sipas njoftimit të dy ditëve më parë, u zhvillua mbledhja e kryesise se Komitetit Kombëtar në sallën Shpataraku të Muzeut Historik Kombëtar.
Meqënëse në mbledhje merrnin pjesë 54% e anëtarëve të Kryesisë me të drejtë vote, mbledhjen e hapi nënkryetari Murat Dardha dhe drejtimi i saj u bë nga ai dhe vétérani Dailan Buxheli.
Sh.Murat Dardha në emër të Kryesisë pranoi dorëheqjen e sh.Dhimitër Shtembari nga funksionet e tij drejtuese të shprehura në deklaratën e tij të botuar në gazetë. Të gjithë anëtarët e kryesisë prézent u dakortësuan.
Merrnin pjesë deputeti Petro Koçi dhe anëtarët e Komisionit të Ndjekjes së Proçedurave dhe Kritereve për administrimin e kërkesave për kandidim për postin e Kryetarit të Komitetit Kombëtar.
Për mbajtjen e protokollit u propozuan shoqet Tatiana Selenica dhe Liliana Mero, u miratua me 100% të votave të anëtarëve të Kryesisë.
U njoftua nga drejtuesi rendi i ditës:
1-Raport mbi ecurinë e detyrave e që vuri mbledhja e fundit e Kryesisë datë 03.02.2023 si dhe puna e bërë nga komisioni i ngritur për realizimin e proçedurave dhe kritereve në përzgjedhjen pë votim të kandidaturave për Kryetar të Komitetit.
2-Pyetje
3-Diskutime
4-Çështje Organizatave
5- Miratimi i vendimeve që do të merren në këtë mbledhje
Hidhet në votë rendi i ditës:
Miratohet me 100% të votave të pjesmarrësve. Sh.Murat Dardha pasi falenderoi në emër të kryesisë deputetin Petro Koçi për pjesëmarrjen dhe ndihmesën e vazhdueshme të dhënë duke i qëndruar gjithmonë afër organizatës së Veteranëve dhe Pasardhësve të LANÇ të Popullit Shqiptar “Nderi i Kombit”, si dhe grupin e antarëve të Komisionit të kritereve për punën e bërë deri tani, lexoi raportin e pregatitur në emër të tre nënkryetarëve si pjesë e 75% e përbërjes të drejtuesve aktualë të Organizatës.
Veç pjesëmarrësve si anëtarë të Kryesisë të ulur në sallë, konfirmuan me mesazh online dakortësinë për rendin e ditës të mbledhjes dhe vazhdimësinë e punës të Komisionit të Proçedurave dhe Kritereve edhe shokët që për arsye pune e shëndeti nuk u ndodhën aty:
-Profesor akademik Anastas Angjeli
-Shoqja Gjinovefa Kadriu
-Sh.Guri Seferi
-Sh.Sefer Duka
Mesazhet e tyre administrohen në dosjen bashkangjitur proçes verbalit.
Mbas leximit të raportit u kalua në pikën e dytë:
Pyetje: Sh.Zamir Llazani: -A janë lajmëruar të gjithë anëtarët e kryesisë? Pse nuk vjen sh.Veli?
Përgjigje nga drejtuesi: Po, janë lajmëruar të gjithë me SMS, WhatsApp dhe secili edhe me telefon.
U kalua në pikën e tretë të rendit të ditës: Diskutime
-Diskutuan shokët Zamir Llazani, Vasil Toska. Përshëndeti deputeti Petro Koçi. Vazhduan diskutimet nga nënkryetaret e Komitetit Kombëtar, Vjollca Trebicka dhe Elidiana Canaj
– Vazhduan diskutimet nga profesor Ksenofon Krisafi, profesor Bernard Zotaj, Dr.Dorian Koçi, Av. Spartak Braho, sh.Dailan Buxheli, sh.Thoma Konduri, etj.
Të gjithë diskutantët shprehën shqetësimin e gjendjes së shkaktuar në Kryesinë e Organizatës kryesisht nga sjelljet e Veli Myftarit dhe nje grupi mbeshtetes te tij.
U shpreh keqardhja për mungesën e disa prej anëtareve që nuk njoftuan paraprakisht mungesën e tyre, përfshirë edhe sekretarin e Pergjithshem, Veli Myftari, si i vetmi i munguar nga 4 drejtuesit kryesorë të kryesisë.
U theksua se drejtimi të vazhdojë të bëhet konformë Rregullores ekzistuese për vetë mangësitë që paraqet Statuti në këtë drejtim. Diskutimet e plota të diskutantëve ndodhën të shënuara në protokollin e mbajtur të mbledhjes.
Mbledhja u zhvillua në normalitet dhe në mbeshtetje të plotë me legjislacionin në fuqi, dispozitat e Statutit dhe të Rregullores në fuqi. Ajo iu përmbajt rendit të ditës të shperndarë paraprakisht tek të gjithë anëtarët e Kryesisë.
U kalua në pikën e katërt të rendit të ditës: Çështje Organizative
Për plotësimin e dy vendéve që ngelen bosh në listën e anëtarëve të Kryesisë, propozohen të kooptohen shokët:
1 – Sh.Xhevdet Shehu, deri tani anëtar Komiteti, propozohet të kooptohet anëtar i Kryesisë. Hidhet në votë. Miratohet me 100% të votave të anëtarëve.
2 – Sh.Astrit Miho, deri tani anëtar Komiteti, propozohet të kooptohet anëtar kryesie. Hidhet në votë. Miratohet me 100% të votave të antarëve.
VENDIMET E MBLEDHJES SĒ KRYESISË:
Në këtë mbledhje u vendos:
1. Të miratohet raporti i mbajtur nga nënkryetari Murat Dardha sipas pikës së parë të rendit të ditës.
2. Të vazhdojë puna e Komisionit të Kritereve e Proçedurave për administrimin, shqyrtimin e kandidaturave të depozituara që kandidojnë për detyrën e Kryetarit të Komitetit.
3. Përfundimet e Kontrollit të Brendshëm Financiar do të paraqiten në mbledhjen e radhës së kryesisë, mbasi të njihet grupi i drejtuesve kryesorë të Komitetit Kombëtar.
4. Pezullohet nga detyra e k/redaktorit të gazetës “Kushtrim Brezash” Bashkim Koçi. Komandohet provizorisht në detyrën e k/redaktorit Xheladin Çelmeta, aktualisht redaktor në gazetë
5. Në zbatim Nenit 27 të ligjit nr. 8788, datë 07.05.2001, “Për Organizatat jo fitimprurëse”, për konflikt interesi, shoqet dhe shokët e mëposhtëm: Vladimir Marashi, – Bashkim Koci – Nazime Bici – Flora Agolli, hiqen si anëtarë të kryesisë dhe Komitetit Kombëtar.
Duke filluar nga data 25.03.2023 ju lihet afat 10 (dhjetë) ditë që të deklarojnë me vullnet të lirë:
Të pranojnë të jenë anëtarë në organet e zgjedhura e vendimmarrëse të organizatës apo të mbajnë vendin e punës me pagesë në administratën e Kryesisë së Komitetit Kombëtar. Deklaratat e tyre do t’i shqyrtojë dhe zbatojë grupi i drejtuesve kryesorë në Kryesinë e Komitetit Kombëtar.
6. Proces-Verbali me vendimet e mbledhjes t’i përcillet redaksisë së gazetës “Kushtrim Brezash” për botim dhe të depozitohet në sekretarinë e Komitetit Kombëtar, e cila t’ja bëjë prézent Sekretarit të Përgjithshëm dhe t’i administrojë ato.
7. Të shihet mundësia e një takimi me Sekretarin e Përgjithshëm ditën e hënë, më 27.03.2023 si përpjekje për zgjidhje të problemeve.
8. Ngarkohen nënkryetarët sipas përkatësisë dhe Sekretari i Përgjithshëm per ndjekjen e zbatimin e këtyre vendimeve.
NËNKRYETARË
Murat Dardha
Dr. Elidiana Canaj
Ing. Vjollca Trebicka Konda
Mbajtën protokollin
1-Tatiana Selenica.
2- Liliana Mero.
Tiranë 25.03.2023
